كيبورد- عبدالرحمن محمد أطلق جروب أولتراس اهلاوى سي دي بعنوان "لن نتوقف عن الغناء " في أول ايام عيد الفطر المبارك ، ومن الجدير بالذكر ان هذا شريط يضم مجموعة من الاغاني مهداه الي شهداء مجزرة بورسعيد مثل " جنة الخالدين و شفنا مع بعض الموت و يوسف البطل " بالأضافة الي الجزء الثاني -علي حسب قولهم- من أغنية الغراب التي تهاجم الداخلية وكيانتها وتنتقدها واغاني مهداه الي كيان الناي الاهلي ورئاسه علي مر العصور وابطاله، واليك كلمات اغاني "لن نتوقف عن الغناء"
1- شفنا مع بعض الموت
صوت الشهيد موجود صوتة ادان بيعلمنا الصمود وصانى فى يوم شهيد حبى للاهلى يزيد صوته هيعيش وهيهتف من جديد وسنين ماشين وراه ما يأسنا ما فى يوم وياه هو الاهلى نصره اللى بنتمناه مهما بنتوه فى الكون نرجع نشتاق بجنون وفى تالتة شمال اللمه تعود وياه .
2- فكرة وجمعتنا
هى فكرة وجمعتنا واساسها الانتماء وكل فرد فيها اتعلم الوفاء مجنون للكورة الاهلى عندى بالحياه مكنش باختيارنا اتولدنا ولقيناه أهلاوى لا لا لا لا لا أهلاوى لا لا لا لا لا أهلاوى لا لا لا لا لا ولا عضو فى اشتراكه فى السنة بدفع الالاف ولا لاعب جوا تيتشة وصورتى على الغلاف انا واحد عادى حبه ظاهر فى الهتاف مملكش الا صوتى وقلب عمره ما خاف
3- 90 دقيقة
90 دقيقه معاك يا أهلي أتمني يطولوا وأفضل معاك هنا نحتفل الليل بطولوا دايما أسمك في الذكريات دا انت كيان المعجزات دا انت الحياه قالوا أنت ليه عايش وراه أيه الحقيقه أنا حبي ليه يكبر يزيد كل دقيقه واقف معاه في أي مكان رافع شعار نسر الكيان 90 دقيقه
4- اساطير الاهلي
عمر لطفى دا محامى وكان ثورى حارب الاحتلال وكان مناهض ليه ناضل على الاستقلال بنى النادى الاهلى كان حلم عمره يكون أول نادى وطنى مختار التيتش فى 43 حارب الملك سفرنا لفلسطين والستة صفر دى شرف ليوم الدين موقف مختار وحيدر تاج عل راس الاهلاوى صالح سليم القائد خيرة الرجال الاب الروحى ياما ضحى للكيان وفى حب النادى الاهلى كان بيعلم اجيال فى الجنة يا قدوتنا فى عشق الكيان مستنى ايه من جمهور روحه فداه غير انه يقاتل ويموت على الحريه وفى سنة كفاح ونضال ضحينا للثورة 74 شهيد فى الجنة عند الله
5- الاهلي ده حياتنا
الأهلي ده حياتنا شفنا معاه المعجزات وتاريخه كله يحكي عن أغلي الأنجازات من صغرنا وراه في الأزمه ننسي الي فات ده النادي الي جمعنا ولا نسيتوا الذكريات أنا عمري ما هقدر أنسي أي ذكرى كانت معاه المحنه أخرها فرحه و بنتعلم الحياه هفضل واقف في صفه لأخر الزمان في الشده أنا برضوا ضهره أنا ليه درع الأمان
6- احنا ليك يا اهلى
وانت جوا عنينا لو فى يوم فى أزمة بس سيبها علينا دولة جوا دولة اهلاوية عريقة اصله ياما فرح شعبة ليلة سعيدة والاهلى عندى بالحياة ونصرة اليوم هو المنى فريق ميعرفش المحال جمهورة وراه زى الخيال
7- جنة الخالدين
فى مكان واسع واخضر اسمة جنة الخالدين شاب بتى شيرت احمر وشه فرحان مش حزين داخل بالخطوة مادد مستغرب المكان دى الجنة يا شهيد يلى مفيش زيك انسان فى طريقة قابل شباب وسألهم جايين منين احنا من يوم خمسة وعشرين فى زيادة لية مش عارفين بالنسبة للمكان قلنا قابله حكايتك اية مش اصلك بتاع استاد اية اللى جاب هنا وبتعمل اية فجأة ومرة واحدة افتكر اللى حصل زمان بدأت دموعة تنزل لما جت سيرة المكان فى الاصل دا كان مدرج وصبح غابة فى غمض العين الغدر فى كل حتة صحابى راحوا فين ليه مش باينين الدم فى كل حتة ريحة الموت فى كل مكان راح فين هتاف المدرج راح فين صوت الشجعان شايف بعينيا غدر من داخلية الكلاب معرفش ياخد حقه بأيده قام واخده بقفل الباب اسكت بطل كلام كفاية يابنى حرام عليك فاكرينك هتبشرنا نصر الثورة بين ايديك احنا مش فاهمين كلامك عايز بس تقولنا اية ان حقنا لسا ضايع واللى عاشوا بيجروا علية عمر ما كان ليك فى السياسة اية اللى رماها يابنى عليك عايز تلعب سياسة اسكت غمض عينيك رد وقال طول عمرى ثورى والاهلى جوا عينيا والاهلى اللى معلمنى عمرى ما افرط فى الحرية بينهم ظهر السكوت والصمت ملى المكان وبان فى عنيهم حسره عالكفاح بتاع زمان فى غشاوة على العيون مش مصدق الحقيقة لسا الافكار فى بلدنا بيهدموا فينا كل دقيقة
8- أسمك العالى هيفضل فوق
نزل من بيتى فى كل يوم رايح للاهلى انسى الهموم وارجع فرحان اهلى كسبان اسمك العالى هيفضل فوق و ارجع من تانى الاستاد اغنى حبك يا اهلى دا حته منى فى النصر معاك او محنه فداك وان قالوا جنون انا رافض افوق
9- الغراب 2
قالك شرطة فى خدمة شعب الشرطة تموت علشانك الخدمة ليك من القلب ابنك هيموت قدامك وهضحى لجل بلادى مش طمعان فى الخدمات بوكس يفسح اولادى كام مليون للواءات داخلية زى ما هى عيبها نقص التعليم ودا عامل فيها الناصح 70 بدل ال 50 الخدمة فى الاستاد متكدر من الجماهير الباشا واخدها عناد يقتل عنده التبرير بلطجى مرشد للبيه احرار جوا الزنازين محضر يتسك عليه وتمام سلم يا امين داخلية زى ما هى عيبها نقص التعليم ودا عامل فيها الناصح 70 بدل ال 50
10- أهلى يا أعظم كيان
انا اسمي الأهلي أخر 100 سنه عليت أسم بلادي فى كل سما و جمهوري معايا عمره منحني هو نسر شعاري الي رسمه انا و انا عمري ما هنسي دوري للبلاد لما تطلبني تلاقيني مش بعيد أهلي يا أعظم كيان عشنا ليك من زمان بالتاريخ و دم الشهداء نبني للحريه الف باب وعشانك الأمل يعيش انا أهلاوي و راسي في السما عشت للنادي و كنت انا الحماه شفت اجمل سنين وانا واقف معاه عشت فيها بجنان و كان هو الدواء مهما يتغير أداره و لاعبين كنت انا الي معاه علي مر السنين أهلي يا أعظم كيان عشنا ليك من زمان بالتاريخ و دم الشهداء نبني للحريه الف باب و عشانك الأمل يعيش
11 - نسر الحرية
ومتبكيش يا نسر الحرية ارفع راسك لفوق اللى مات كان عشانك يلى مفيش زيك مخلوق عمر العقلية ما تتغير على عهدى هعيش عشانك حق ولادك لازم يرجع فى يوم حق ولادك لازم يرجع فى يومي يلى بتسأل عليا ونفسك تعرف ابقى مين انا عقلية حرية وثورة من قبل الميادين انا جيل معرفش الخوف قاوم خرطوش غاز او رصاص انا جيل كاتب على باب اوضته شهيد انا جيل كاتب على باب اوضته شهيد لجل الحرية سبقنى اخويا على الجنة شهيد وبدم اخويا فى يوم هنبنى وطن مفيهوش عبيد ثورة اخويا هتكمل شايف النور جى من بعيد وفى ساعة اليأس يقوينا الشهيد وفى ساعة اليأس يقوينا الشهيد
12 - أهلاوى
أهلاوى 90 دقيقة بشجع الاهلى شوف كام جيل كان وراه عاش انجازات جمهورة كان معاه فى الازمات من صغرى بحكى على الاهلى حكايات ولاخر عمرى معاه حتى الممات.
13 - يوسف البطل
يوسف رحب بالموت فاتحله بابه شهيد نزلت بنته فى غيابه بطل انقذ كتير صحابة راح وهو فى عز شبابة يوسف صورته فى البال محفورة فى بورسعيد قام بالبطولة بنتك ما فى يوم هتعيش مكسورة بنت ابوها اصبح اسطورة كل شهيد مأثر فينا ذكراه الحلوة لسا فى عنينا لو ضاع حقة لا تلوم علينا حقة بكرة جى بأيدينا
14 - اهلاوى والفخر ليا
11 راجل فى الملعب أهلاوى 90 دقيقة على المكسب أهلاوى تلعب لنادى الوطنية أهلاوى الفوز دا ليك حاجة عادية أهلاوى أهلاوى أنا والفخر ليا أنا نادى القرن فى القارة هو ناديا وهعيش واموت وافضل عشانة وهو فوق دايما مكانه
15 - الكيان
الكيان مبنى على الحرية مهما كان دى مبادىء وتاريخ احرار زمان اللى علوا اسم الاهلى فين ما كان حلم لطفى وسعد هنصونة بامان نفدى نادى الوطنية بدمنا يعلى نسر الاهلى وبحرية طاير فى السما فى السما فى السما من زمان والجماهير سر الكيان حاربوا ثاروا والتاريخ شاهد عيان واللى ماتوا فى بورسعيد عشان رجال لما قاوموا حكم عسكر كالجبال باقيه زكريات حياتكوا فى كل بال شهداء الوطنية جوا قلبى للابد للابد للابد
16 -- أحلى ذكرى ذكرى
وأحلى ذكرى أول وقفة فى التالتة شمال هفضل احكى عنها لولاد ولادى لما هموت الفكرة تعيش حب الاهلى مينتهيش الاهلى علمنا نحب الحياه الاهلى علمنا نحب الحياه أول فلوس فى جيبى عشان تى شيرت أدخل بيه استاد أول وقفه طابور علشان تذاكر مش مهم تمنها كام هو راس مالى فى الحياه وازاى الفرحه تكون وانا مش معاه وازاى الفرحه تكون وانا مش معاه
17--جرب تدخل الاستاد
جرب تدخل الاستاد...هتلاقى جوا الف باب واقف فاتحلنا درعاته... وحشوا صوت الشباب هو صوت الجمهور ... النبض فى قلبه يثور ... مستنى لحظة فرحه ويا الجون حماس باين فى العيون .... والالف صوتهم صوت مليون لحظة الفرحه الصوت بيعلى ..... هى لحظه من الجنون .. . شمروخ فى الايد يغنى .. والنار رمز احتفال .. .....وان جيت فى يوم تلومنى مش عالبال جنونى هيفضل حته منى ...... والاهلى هيفضل للدوام صعب فى يوم تقدر تمنعنى .. عن حبه ده ليا الهوا عقليه نضال حماس .. كلمات اغلى من الماس .. تعرف بيها الاهلاوى وسط الناس
